Gayang sola La'bo' Pa'tampa deata Sebuah Cerita Rakyat dari Toraja

"Gayang sola La'bo' Pa'tampa deata"

Den misa' tomatua disanga Ambe' Poli' torro jo Sangalla'. Iate Ambe' Poli' mane sule jomai pa'lakna jong Ma'kale. Iatonna lendui Tete Bassi den Tomatua Ulu natiro ma'dokko jo to' lalan. Mekutanami, "O Ambe', ma'tumbarokomu?"
Mebalimi tomatua, "A'u, lamalena' indeto rokko pa tangkubelamo!"
Itonna tiroi Ambe' poli' tu tomatua, butung tang mamase-mase pananna lantampei. . Tae'sangapa melemi nasolan Ambe' Poli' te Nene' pake sare motoro'na. Apa mangnga te Ambe' poli', belanna iatu angin messiok lulako lujiomai, apa napatarru'bang ambe' Poli' tu motoro'na. Iatonna lambi'mi Rantelemo, ra'damo tu angin, ma'kadami ne' matua ulu:
Nene' : "O anak!"
Ambe' Pili' : "Matumbai To Matua? Lamengkalo indemokomuraka te?"
Nene' : "io. lamengkalomo'. Pa kampaipa' sattu', kulopa rokko salu dolo.
Mengkalaomi nene', apa ma'pepeasan nene' lako ambe' poli', nakua: "Anggi' mu messaile rokko salu!"
Iatonna malemo nene' rokko salu, mangnga pole' oimi Ambe' Poli', narangi susi wai sumalapa-lapa tongan jongmai salu, sia iatu guntu' mema'tu-ma'tubang.
Tae'sangapa, sulemi nene' jongmai salu, mekutanaomi Ambe' Poli', "Matumbai ambe'?"
"Melomo te inan inde jong pa lakutiropa inderekke dolo!" pebalinna nene'.
Nasolan omi tarru'-tarru' rekke... iatonna lambi'mi salu silandi'na eran batu, turun omi te nene'. Tae' sangapa na melapa-lapa tu wai salu, messik lulako-ludiomai tu angin, sia mema'tu-ma'tu guntu'... Nang sellang-sellang tongan sirau mataku'mi te Ambe' Poli'... Nakua apamote!
tae'sangapa sule nene' jongmai salu sitangke gayang bulaan. Ma'kadami, "E, anak, tae'bang te apa lukubengko. Apa iabangmo te gayang sola la'bo' muala. Ammukilai tu penggauran melomu te allo totemo.

Refleksi filosofis: Lakukanlah kebaikan, tolonglah orang yang membutuhkan pertolonganmu. Walau tanpa imbalan jangan berkecil hati. Biarlah ketulusan hatimu itu yang menjadikan dunia ini lebih baik.

Sumber dari: Facebook group Ulelean Parena Toraya,
(Maaf jika ada kesamaan nama, nama tempat dl cerita hanya pemanis)
Terima Kasih Telah Membaca
baca juga cerita lainnya di:
https://pancasilasebagaifalsafahidup.blogspot.com/2018/12/cerita-orang-toraja-mengenai-kebaikan.html

25