Cerita Lucu Toraja; So' Tori' dan Kopi

SO' TORI'

Den pa' pia' di sanga Tori' mane sd....tae" liu naporai tu peladaran matematika ...wattunnamo matematika..ma' turrun pili' bangmi to Tori"..nakuami ibu guru : matumbako Tori'.. Masakiko?.. Nakuami: tae'ra ibu..tapi kilalaina' ambe' ku lan lembaga sola indokku lan rumah saki'..gagal pahammi tu ibu' guru..nasanga di tarungku tu ambe'na ,nadi opname lan rmh saki' tu indokna...merasa kasihanmi te ibu guru nakuami: sule bangmoko dolo Tori, tiroi tu indokmu..parannu Tori' male ma' dondo dondo...natiromi solana...nakuami matumbai tu Tori nasule ibu guru?.. Nakuami ibu guru..indokna lan rmh saki' na lan lembaga tu ambe' na..nakuami tu solana: natang lan lembaga ke pegawai lembaga tu ambe' na..na lan rmh saki' tu indokna saba' suster lan rmh saki'.. Sala' pa mannamo kidena ibu guru...

Linggo, Petu', dan Secangkir Kopi

Den sangmelambi' ma'dokko-dokko mangiru' kopi Linggo sola Petu' jo tando'.
Den 5 meni' sikappan bang soladuai. Ia te Linggo napematiroi tongan tu kopinna.
Ma'kadami Petu': "O Linggo, matumbaroko?"
Apa kappa Linggo. Sattu' to na messaile lako Petu', nama'kada: "O Sankkane, iake kutangnga'-tangnga'i, iate katuanta lan lino susi secangkir kopi!"
Napebalimi Petu': "Hooo'! Malotongrakaiko katuammu mukuari susi kopi!"
Linggo: "Tae'raia sakkane, pa iate katuan lan te lino den mapassikna, apa denduka matanikna!"
Kappa bang Petu' ma'perangi.
"Iatu katuan namui den mapassikna apa den duka matanikna. Iake dipasiraumi susi kopi nadisimborrok, HA'a.... lendu' tongan ia marasanna. Ko iake denni tu parri' musa'dingan lan te katuan, paralluki' ma'sukkuru'. Belanna nangladen tu matanikna larampo. Dakopa musa'dingi marasanna. Susi to Sakkane!"
Petu': "O Linggo, iko tongansiaraka te? Te'siaraka mu katamanmo! :D
Refleksi Filosofis: "Jangan menolak penderitaan. Karena sebenarnya penderitaan adalah teman dari kebahagiaan/kesuksesan. Ibarat nikmatnya kopi dan gula ketika di'simborrok'!"

Linggo sola Sapatunna

Den misa' passikola disanga Linggo. Iate Linggo massikola jo to' Ala'. Belanna jo to' biring pangala' passikolanna, majarangpa pia massapatu sia massandala'.
Den sangallo, malemi te Linggo massikola, apa massapatu sangbali. Iatonna tamamo kelas, kumarrak nasang tu solana metawa, belanna sangbaliri tu sapatunna.
Ma'kadami gurunna,
Guru : "O Linggo, ianna tae'de tu sapatummu sangbali. Andi' pissanmo mu massapatu!"
Linggo : "Tae'ra nata'de sapatungku sangbali. Sangbalinna kuben sangmaneku. Saba' lamoraiduka massapatu!"
Refleksi Filosofis:
"Apa yang dilihat oleh orang lain sebagai kekurangan/kehilangan pada dirimu, bisa saja hal itu sebenarnya adalah kelebihanmu."

Tantan Kapu' Sebuah Cerita Tidak Jelas Dalam Bahasa Toraja

Tantan Kapu'

Den omo tee kapu' ladi tantan...
Den to pissan ki male ma" pesta.. yatu solaki ma' oto ya.. aku sola dua sangmaneku disanga Aten ma' motor....uranmi kilendu' mentiongan jo misa' ga'deng....yate Aten..buda panu sia jerawatna jo lindona..asyik bangmi maningo hp...tae' na masai tassu' mi baine malappuk lanmai banua..apa kininan duka lindona...nakuami..ah lendu' melona te alang sura' sambali' pa naro'tok ro'tok tabuan tu longana....keke' na' pudukku metawa....ku balii mi ..kukua nasilo ki te ale sura' dialloi sambali' saba' malotong lotong na bottokki tumayong....yate baine langsung mallai tama banuanna....tae' na masai tassu' omi muane ganta' kalando kapua, na kapua tambukna...nakuami yatu pia inde mai kampung noka'ya pakei tu motor ba'ru nakua tangna bela male ..na motorki dikka' nasindir saba' motor matessek bangmo..
Kukuami lako sangmaneku ..Ten..sangtaunmo lendu' na kilendu' inde tee..yate se'pon marante pa..totemo latuan manna mo lanmai..nakuami te tau umbaraka pole" minii torro soladua kukuami misa' lembangki pa..ambayang ki raka te kumua tasipebau..metawa male mallai hhhhh..

Uleleanna to buta sola to kupi' lalamban salu.

Pada mentiongan ade' dio ga'deng sola dua. Sipassuritami nakuami to buta lalamban salu na' pa tang kutiro tu lalan. Nakua dukami to kupi' lalamban duka nak pa tang tiretok lette'ku ma' lingka. Nakuami to buta bisa na' aku ma' lingka mu bisa mentiro. Nakuami to kupi' susi te kolong na' na aku ntiro lalan na iko ma'lingka. Mengkolongmi to kupi' na male rokko randan salu lalamban. Yatonna diongmo randan salu nakuami tu to buta uuuu.. den anak dara mendio'.
Pekutana: umba nakua tobuta untandai den anak dara marassan mendio'.

TABARO.

.
Ya ade' tonna male medama' tu nnk rokko ala'...dibenmi kapurung. Maming liu nakande..na mekutanami kumua dipatumbai tu kapurung na mamming..nakuami to ala' di kotokki....ko masemanga' mi na allimi sang bala'ba' na bawai langngan kampong..yatonna garagaimi tu tabaro..nasuami tu anakna mengkotok2...nacoba oi..na tae'na mamming..nakuanmi tu mintu'pia na mengkotok lo'lu pangkung bai...nacoba oi na tae'duka na mammi....
Yatonna sule rokko ala' nakuami lako ti ala'.na tae'nasusi ke kamu unggaragai tu kapurung..nakuami to ala'.mipatumbari..nakumi nnk ki kotokki duka...hhhhhhhhh
Nakuami to ala' diparkkoi ya bale koto'..tae'ya na kumua di kotokki susi manuk..he.he.he.he

Indo' Manuk sola Anakna

Uleleanna indok manuk sola anakna..
Anak manuk : Ma..matumbai na misa'bangri kita tu sangannta...MANUK? yanta bitti' pa disaingaiki' anak manuk..na yaanna tolino bitti'pa na denmo sanganna....den sok batto den duka lai'sura'...
Mama manuk : ko nandimo mu mallo sia majong inaa...yatu tolino ke matei misa'dukari sanganna..disanga mayat..na misa'ri inan dinani unnannai di sanga kaburu'.
Nayatu kita manuk ke mateki' buda kita sangannta..den disanga manuk panggang den disanga manuk goreng..na buda kita inannta..biasa kita jo ki'warung makan biasa duka jo ki'lu restoran terkenal...
Ko patarru'tarru'mi...hhhhhhh

"LINGGO"

Den sangmelambi' na male Linggo tore' tedongna rokko salu. Apa malillinbangpa namalemo te Linggo. Iatonna rampomo diong salu, namangka tore' tedongna, ma'dokko-dokkomi. Natiromi lan karung dio sa'dena ma'batu-batu kalebu. Naalami simisa'-misa' napellebaranni rokko salu. Masannang penanna tonna tiroi tu wuai tibura' ke napellebarannomi to batu. Natole-tolemi pellebaranni. Iatonna parrangmo, lanaalapa to' batu, apa misa'mora torro. Apa lendu' mangngana te Linggo, belanna natiro to' batu lan karung, na tannia ia batu. Belanna mariri ia na me'lok. Napematiro-tiroi tonganni. Nakanassaimi, Ha'aa... na bulaan kalebu!
Iatonna tiroi to, lendu' menassanna. Saba' bu'dakmo tu bulaan kalebu mangka nabuang rokko salu.

Refleksi filosofis: Kadangkala kita perlu menguji berbagai kesenangan yang kita dapatkan. Jangan-jangan itu hanya kesenangan yang mengorbankan hal yang lebih besar dan lebih berharga. Salama' Allo Minggu!
Gbr hanya pemanis :)

 Catatan :
Gambar Hanya sebagai Pemaniss
Sumber: Grup ullean pare toraya, Facebook
wawancara dengan beberapa narasumber :

Linggo SebuahKisah Inspiratif Orang Toraja

 "LINGGO"

Den sangallo na male tu Linggo sitammu Ne' Bolu. Iate ne' Bolu pa'dampi. Tallungallomo malillung sia masaki-sakibang ulunna nasa'ding te Linggo. Sipa'kadami soladuai,
Ne' Bolu : Matumbari misa'ding?
Linggo : Malilungbang sia masaki ulungku, na tallungallomo. Malillinbang pentiroku, na butung lasongka kusa'ding.
Natiro-tiromi Ne' Bolu tu lindona Linggo, sattu'to na ma'kada Ne' Bolu: "Eeee... belanna malillinbang tu apa mutiro. Iammulamorai mondo, Iake sulekomi lako banua dako, usahakanni na ianasang tu apa mitiro maido. Susi daun kayu maido. Masannangki' tiroi to' ke maidoi!"
Iatonna sulemo lakobanua te Linggo, naala tu ce' maido. Namale cet nasangi tu apa lan banua. Ba'ba nace' maido, piring nace' maido, pakianna, naallinasang tu maidona, piringna nace' maido duka, saelako bainena napa'pirang maido.
Tallungallo lendu'na, rampomi te Ne' Bolu lako banuanna Linggo.

Mangangami, "Ho..., na maidonasangmo te issi banuammu Linggo?"
Mebalimi Linggo, "Na kamuka kuai pemaidoinasangi tu apa mutiro!"
Sala'pa manna kidena Ne' Bolu, namebali: "Heee, kukuari umbanakua carami nabisa maido mitiro tu apa. Tae'ra kukuai pemaidoi nasangi. Sia tae'ra kukuai ce' maidoi! Belanna bisakomu ala kacamata maido kacana, mipakei. Tae'ia miparallu pemaidoi nasangi tu apa!"
Refleksi Filosofis: Seringkali manusia berusaha mati-matian mengubah sesuatu yang ada di luar diri mereka. Bahkan seringkali manusia berusaha mengubah hal-hal yang memang tidak bisa dirubah karena kodrat kelemahan manusia yang masih berada di dunia. Padahal segala hal yang di luar itu bisa berubah dengan sendirinya jika kita mengubah cara kita memandangnya. Janganlah terlalu banyak mengkritik hal di luar diri kita. Yang terpenting, perbaikilah diri kita dan cara pandang kita di tengah dunia ini. Selama di dunia kita tetap akan menemukan banyak kelemahan dan kekurangan.
Salama'

Sumber dari:  Group Facebook, Cerita Lucu hasil ngobrol dengan teman2
Jika anda memiliki cerita lucu atau cerita rakyat toraja ketik di kolom komentar di bawah dan tulisan anda menjadi bagian dari blog ini kurre sumanga'
Terima Kasih Telah Membaca,, Kunjungi juga cerita lainnya di https://pancasilasebagaifalsafahidup.blogspot.com/2018/12/cerita-lucu-dalam-bahasa-toraja.html

Cerita Lucu Dalam Bahasa Toraja

 

Duma' adalah seorang perantau toraja yg sukses,,penghasilannya lumayan,,ia bekerja disebuah perusahan milik pemerintah yg benar benar memperhatikan kesejahtraan para pekerjanya..gaji pokok,lembur,plus bonus selalu ia terima setiap bulannya..

Tetapi semuanya itu tidak menjamin kebahagian rumah tangganya..istrinya(sabe') makin hari makin kurus,,TIKKURUN bangmo lindona,,MALAYU BANGMO,,TANGROKKOMO ade' naa tiro hahahahaha..ia pun curhat ke teman sekantornya.(Sebut aja #pongmarassan)

Pongmarassan memberi saran supaya ia lebih peduli kepada istrinya,, "mungkin denna pomapa'dik penaa ne'laikmu,,cobalah bicara dari hati ke hati,," begitulah kira kira saran yg diberikan pongmarassan.
duma' akhirnya pulang kantor lebih awal ,,.sampai dirumah ia langsung mencari istrinya...

" Ooh ne'laik "
"Ooohh ne'laik umbamokoo"

ga ada jawaban,,!!

Ia langsung masuk kekamar,,ia sempat kaget melihat istrinya MA'PATU'TUN DIO TO'RINDING,,kondisinya lemah,,madongkong,rambutnya acak acakan,,tikkurun lindona,,(kenna tambai malayu bangmo mui doko moka dukamo kandei hahahahahaha) lanjutt!!

Dengan penuh kasih sayang,Nathan mendekati istrinya dibelainya rambut sang istri,seraya berucap,

" Ne'laik,,den raka naa pommapa'dik penammu lako aku,,tirori tu kalemu malayu bangmo,,tikkurun bangmo pili'mu.."

Sang istri pun dengan manja,,menjawab

" Umbakukua tang madoko sia malayu kee...mane sitette' pitu mu MA'TAMBAH mo kebongi,,natae'na bela KETAMBAH tu gadimmu mubenna',, Tette' Sangpulo dua bongi LEMBUR omoko natae' βang... Mubenna tu seng PA'LEMBUR mu jiong kantoro',,,melambik to lamaleko ma'jama peta'da omoko BONUS sipissan,,naa tae' banggra dikka kubela leppa'kki tu disanga SENG BONUS diomai kantoro',,,,ammu morai tirona malompo MANGNGELO opoko te bongi...."

Hahahahahaa buadik!!!!!

Terima Kasih Telah Membaca, baca juga di https://pancasilasebagaifalsafahidup.blogspot.com/

 

sumber gambar Dari pinterest

 

Cerita Rakyat Orang TOraja: Gonggo Patua'

Gonggo Patua'

Den sangallo lan tondok dadi tu misa' pia muane lendu' kapuanna. Tiramban tongan tu pa'tondokan tonna tiroi tu kalena.
Lendu' allo, lendu' minggu, lendu' bulan anna sakapua-puanna. Iatonna kupaua-puamo tu Gonggo Patua' mellong tongan tu pa'kaleanna.
Saba' taliwa' kapauanna, bu'dak tongan tu bo'bo' sia pa'kandianan nakande. La puramo tu pare diala domai alang napobua' kandena te Gonggo Patua'.
Ma'tangnga'mi tu Ambe' sia Indo'na. Simpolonna kadakemi bu'tu lan tangnga'na soladuai..
Nasolammi Ambe'na te Gonggo Patua' lako to' pa'lak manglelleng garonto' induk.
Ma'kadami Ambe'na, "O So' Gonggo, Ianna songka te garonto' induk tarimai jo palempengmu, mangkato maleko passanni lako to' banua. Lanapake mama'mu mentiongan!"
Iatonna songkamo te garonto' induk, napatado tongan Gonggo tu palempengna, anna male passanni lako to' banuanna.
Male pole'omi te Gonggo sola Indo'na langan to' tanete. Natiromi Indo'na tu Batu kapua. Ma'kadami Indo'na, "O So' Gonggo, tarimai te batu kulolinni mati'.
Passanni lako to' banua napakei Ambe'mu ma'dokko-dokko." Nalolin tongammi Indo'na te batu pua, nasimpolo angkai' Gonggo lako banuanna.
Iatonna tibukka'mo pa'tangngaranna Gonggo, mane natandairi kumua noka' tu tomatuanna solanni torro.
Malemi mallai mellampung tu Gonggo.
Takkalanna den tau lammai lo'ko' ma'kada: "E Gonggo Patua', da'mu malebang sumalong. Belanna den tu Langkan Maega pa'kande tau. Budamo tu tau nakande.
Ma'kadami Gonggo, "Apara lamibenna' ke kupatei tu Langkan Maega?"
Mebalimi, "Ko kasiturusanna tau lan tondok kumua anna den tau patei tu Langkan, kola lakiben sangsesena eanan kiampui."
Sitammu tonganmi Langkan Maega tu Gonggo. Iatonna rampomo te langkan messiok, simpolo napala'pakki peda'guru'na Gonggo. Anna simpolo mate punala te langkan.
Sirampummi te pa'tondokan sibawa sanda pa'barangan sia eanan naampui. Sugi'mi te Gonggo. Apa iatonna sugi'mo, natangnga'mi Ambe' sia Indo'na. Takkalanna sulemi lako banuanna Ambe' sia Indo'na
te Gonggo sibawa mintu' eanan sia pa'baranganna.
Mane mambela natiro tu Indo' sola Ambe'na nama'dondo pellambi' unrrakai' soladua.
Mangkato masannangmi torro sola tallui.
Nasihat Filosofis: "Ampunilah segala kesalahan yang pernah dilakukan oleh orang tuamu. Engkau ada karena mereka.
Dan kekayaan yang engkau miliki saat ini tidak terlepas dari pengorbanan mereka sejak engkau kecil."
Salama' Damai Ulunna Langi

Terima Kasih Telah Membaca
 baca kumpulan dongeng dan cerita rakyat di https://pancasilasebagaifalsafahidup.blogspot.com/

Cerita Rakyat Orang Toraja: Tedong na Linggo.

Cerita Rakyat Orang Toraja: Tedong na Linggo. 

Den sangallo, marassan ma'pakande Tedong te Linggo. Na den to jomai dinas kesehatan hewan. Sipa'kadami soladuai:
Pak Dinkeshew : "Apara mupakandeanni tu tedongmu
Linggo?"
Linggo : "Riu manna!"
Pak Dinkeshew : "Oh.... saba' tae'maro' nalayak tu kande
muben tedongmu, lakudendako!
Lamubaya' mai da'dua juta!
Ha'a sellang dikka' tu Linggo... pa ko napela'-pela' male pasiduruk sengna da'dua juta nabayaranni.
Ma'penduanna rampoomi te to jomai Dinkeshew, sipa'kadaomi:
Pak Dinkeshew : "Apara mupakandeanni tu tedongmu
Linggo?"
Ma'tangnga'mi Linggo namane mebali,
Linggo : "Kuben Tallo' ke melambi', kupairu' susu
ke tangallo, kunasuan ta'bu ke bongi,
kuben vitamin pentallun sangallo,
kupairu' madu, sia kuallian wortel!"
Pak Dinkeshew : "Wa'a...taliwa'-liwat tongan tu apa
mubenni tedongmu, mupongko iko tu
tedong dako ke susi to! Ko saba'
mupasusito tu tedongmu lakudendako!
Lamubaya' mai tallu juta!
Ha'a... male manna dikka' tu Linggo sala'pa kidena namale mangindan seng lako sangbanuanna....
Ma'pentallunna rampo omo tu To jomai Dinkeshew, ... ma'dug-dug penaanna Linggo, pa ko napela'-pela'bang male sitammui...
Pak Dinkeshew : "Apamora mupakandeanni tu tedongmu
Linggo?"
Ma'tangnga' omi Linggo, namane mebali,
Linggo : "Tae'mora kupakandei tu tedongku!"
Sellangmi te Bapak, nama'kada: "Hoo! Mbai lumupongkoiko tu tedongmu na tae' mupakandei! Kudendako dako' tu ke!
Mebalimi Linggo : "Tae'mora kupakandei, kebenbangmira
seng namale alli kalena kandena,
natandai agian kalenabangmi tu
lanakandena!
Kappa manna tu Bapak Dinkeshew! :D
 
Terima Kasih Telah Membaca Cerita Rakyat Toraja

Cerita Rakyat Orang Toraja: Kerbau dan Bangau

KORONG sola TEDONG

Ia tu Korong matuttu’ bang tassu’ keallo-keallo sumalong dio lu to’ uma undaka’ kande.Apa den Sangallo tonna tassu’ undaka’ kande tae’ bang tu dikandena naapa’. Male bangmi sumalong,pakalan natiromi lan uma sangtempe’ tu da’dua kurungan (kuang) nanii unnaang-aang bale. Apa masussa diala tu bale belanna mane kumuku lako tu Korong natae’mo tu bale belanna untallanan kalena mallaim membuni
Attu iato natiromi Korong tu tedong marassan ungkande riu do tampo uma iato. Malemi to Korong umpessitammui tu tedong napa’kadai nakua :”Umpattuan bangko para’ kakapuammu tedong,apa morai siana’la ussilombangko . kadokoraka tasimisa’I te kurungan lan uma, anta silomba unniru’I tu uainna ba’tu umbanta tu dolo ma’ti kurunganna.”Mebali tedong nakua:”Apa toda iko la nanii uai lan tu tambukmu. Apa ia para’ to tu mukamorai, tamalemo ussimisa’I tu kurungan anta silomba”.
Naparandukki tedong untonganni unniru’I tu uai kurungan anna mukkun mere.Apa ia tu Korong naoton bangri tu tillokna rokko to’ uai. Nakuami krong lako tedong:”Io dolomoko, musangaraka tang la kudoloiko dako’.” Nasarra’I pissanmi tedong mangiru’ naurunganni tae’ namasai anna ma’timo tu kurunganna tedong. Apa aitu kurunganna Korong tontong ponno uainna.Nakuami tu tedong : “E korong,pokadai mindantara tu patalo!” Mebalimi tu Korong nakua :”Io,inang ikomo tu patalo sangmane .bua’rika,akumo tu talo .Apa umbai den sia sidi’ saroku tu mangkatalo.” Ta’pa mekkondongmi tu Korong rokko kurunganna tedong anna kande simisa’I tu bale doing sae lako dia’na.
  
 from http://superaok97.blogspot.com/…/ulelean-parena-toraya-ceri…

   Cerita Nenek P.
  

4 Komentar

Cerpen Toraja tentang "Tobuta"

Yatonna final piala dunia prancis vc kroasia
Den tobuta male naaja temati' pia muane
Nakua e sangmane tae' raka tamale menonton piala dunia na pianalmo te..
Nakuami te tobuta
A'a na samangku mualai tu ulngku tu mitiro bangmo buta mikua tamale menton..
Nakuami te pia
A na lamale bang riki meramaikan
Nakua ta to buta
Na tae'ka ku kita
Nakuate pia
Yana meoli tau ba'tu metawa rika metawa dukako😆😆😆😆😆
Na alami kacamata reben te to buta na male temai pia rendenni
Saemi lako temai pia sola to buta pk kaca mata reben metawa nasan tau nakua bongi ia na ma' reben😆😆😆😆 metawa duka ya te tobuta nakua haiiiiii marua'moooooo
Iyo susimo to😅😅😅😅
Mentama penontonan te to buta ma' dokko naboko'i yatu televisi,,,,,😎😎😎

Sule duka ia na carita te to buta nakua
Marua' liu yatu bola sangmai' bongi...
Nakua nene'na apara ia si raga
Naku piala duni😆😆😆😆😆
Patarru' tarru' kedenpi kurang

Cerita Rakyat Orang Toraja : Seredukung Sola Masapinna

Seredukung Sola Masapi

Den misa’  pia disanga Seredukung. Keallo-keallo male bang te
Seredukung manglaa tedong. Den sangallo anna male ullamban salu
umpakande tedongna. Tae’ namasai saemi tu uran kamban
naurunganni kendek tu uai diong salu. Tonna makaroenmo
narambami tu tedongna la sule lako banuanna. Tirambanmi tonna
saemo lako tu salu la nalambanni belanna tarru’ budamo tu uai diong
salu sia tang naatta la unnorongi. Tumangi’mi do randanan belanna
lamban nasangmo lian tu pangkambi’ na.
Tae’ namasai kendekmi diong mai salu tu masapi anna kutanai tu
Seredukung, nakua:”Ammu tumangi’ra.” Mebalimi tu Seredukung
nakua: “Tang kuatta la ullambannj te salu anna lamban nasangmo tu
pangkambi’ku.” Ma’kadami tinde masapi ñakua: “Ma’dinko
kupalamban, apa la mubenna’ kandemu pira’ ke saeoko mangkambi’.”
Mebali tu Seredukung nakua: “lo, palambanmo. “ Sumpandanmi tinde
masapi kapua anna ampangngi tu uai nalamban tu Seredukung. Tonna
rampomo lako banua tu Seredukung, nakuami lako indo’na: “La
umbaa bangmo’ kandeku ke malena’ mangkambi’ keallo. Tae
natandai indo’na kumua ia tu kandena male napakandean masapi
mangka umpa1ambanni. Samadoko-dokona bangmi te Seredukung.
Sipa’kada-kadami tu indo’na sola ambe’na nakua: “Matumbari tinde
pia anna samadoko-dokonamora namale sia umbaa bo’bo’na keallo.”
Apa den pissan naundi tu ambe’na umperandanni, natiroi ambe’na tu
Seredukung umbaa bo’bo’na rokko biring salu anna massengo-sengo
nakua:


“Andullungku diong salu
masapi diong to’ wai 
kendekko kande bo’bo’ku 
maiko anta sidua 
mangka dibati bumbungan 
dibo1loi siling-siling
pangandu’ makko to Duri.”

Kendekmi diong mai salu tu masapi anna kandei tu kandena
Seredukung. Mangkato sulemi tu masapi rokko salu anna
Seredukung untiro tedongna. Mangnga bangmi tu ambe’na untiroi sia
mane natandairi kumua posala’ madodong tu Seredukung belanna
naben masapi tu kandena.
sulemi tu ambe’na lako banua napokadanni indo’na Seredukung tu
patirona. Mabongi to nakuami tu ambena Seredukung lako bainena:
“Benni toda seppa sia bayu melo te Seredukung, mimale masiang
mengkita sola dua lako to ma’bugi’, na akumora male mangkambi’.”
Manoka tu Seredukung apa undinna moraimi tonna naran-naranmi indo’
ambe’na. Masiang dio mai malemi tu Seredukung sola indo’na untiro to
mabugi’. latonna malemo tu Seredukung sola indo’na, male dukami tu
ambe’na lako to’ biring salu nanii kendek masapinna Seredukung. latonna
saemo lako massengo-sengomi susi tu sengona Seredukung nakua :

“Andullungku diong liku . 
masapi diong to’ wai 
kendekko kande bo’bo’ku 
maiko anta sidua 
mangka dibati bumbungan 
dibolloi si1ing-si1ing 
pangandu’ makko to Duri.”

Pakalan kendek tongami tu masapi diong mai salu la ungkandei tu kande
biasa dibanni. Attu lato natoe bangmo ambe’na Seredukung tu la’bo’
mataran. Tonna marassan tu masapi ungkandei tu bo’bo nalontokmi
la’bo’ natantang tu ulunna namane ullontok duapi tu kalena. Nabaami
lako banua te masapi anna tollo’i, nanannanni Seredukung sola indo’na
tupira. .
latonna sulemo mengkita tu Seredukung nasuami ambe’na la
kumande, apa mebali tu Seredukung nakua: “Tae’ra angku la kumande,
la laona’ aku dolo umpakande tedongku.” Malemi tu Seredukung anna
baai tu bo’bo’na ma’palurokko salu. Tonna saemo rokko massengomi susi
biasanna nakua:

“Andullungku diong liku 
masapi diong to’ wai 
kendekko kande bo’bo’ku 
maiko anta sidua 
mangka dibati bumbungan,dibolloi siling-siling 
pangandu makko to Duri".


Napeagimi apa tae’mo nakendek tu masapinna diong mai salu. Sulemi
lako banua naamparanni tu buku masapi nananna ambe’na lan pa’ti.
Sengkemi lako ambe’na sola indo’na nakua: “Masapingku pole’ tu male
miala.”
Naalami Seredukuhg tu bukunna namale untananni lako to’
tondon bubun . Tuomi tu buku masapi apa lemo tu tuo diong mai.
Natambaimi indo’na tu Seredukung la kumande apa nakua:
“Namentangkepa tu lemoku.” Tonna mentangkemo tu lemo, nasua omi
indo’na la kumañde, apa nakua: “Namenta’bìpa lemoku.” Mukkun
bangmi mebali susito tu Seredukung tonna menta’bimo, tonna
membuamo sae lako tonna matasakmo tu lemona. Apa tônna
matasakmo tu lemôna metteka’mi langngan lemo anna massengo-sengo
Nakua :

“Iri’-iri’ko angin 
simbo-simboko darinding . 
mangiri’ tama pangala’ 
tama to’ kakayuanna 
digente’ kurra manapa’.”

Sae tonganmi tu angin talimpuru’ anna tibuak tu garonto’ lemo
namale umpettiaranni angin sola Seredukung. Undi bangmî tu indo’na
sola ambe’na unnulai’, apa tae’mo nalambi’i naurunganni sule lo’bang
lako banuanna. Katampakanna nabaa tongan angin tu Seredukung
tama pangala’ sola garonto’ lemona anna torro lan.
Randukmi tu bua lemona Seredukung naniî bulawan lan ke
dibakkaimi, naurunganni mendadi sugi’ tu Seredukung sia untanan
pasa’ lan pangala’. Mukkunmi buda tau sae ma’pasa’. Napasanmi Seredukung lako to ma’pasa’ kumua anna sae tu indo’ ambe’na. Sae
tonganmi tu indo’ ambe’na, anna randuk attu iato torromi tu indo’
ambe’na sola Seredukung. Torro manamanmi tu katuoanna
napapayan tongan tu kasikamaseanna....(copyright HTP)
Sumber dari Group Facebook Ulelean Pare, Mitos dan legenda Toraya

Seba sola Kalapuan sebuah Dongeng dari Toraja

 Puamanna Seba sola Kalapuan

Iatu Seba sisangmane-mane Kalapuan sia biasamo male sumalong sola duai. Den sangallo anna sipa’kada-kada sola duai. Nakuami Seba : “Mata’ka’moki’ sumalong sia tangdia’moki’, tamalemo undaka’ punti. Mebali tu Kalapuan nakua: “Io, tamalemo.” Malemi sola duai ma’palutama pangala’. Tae’ namasai nakabu’tui tonganmi tu punti lasse’ sitasakanmo sia budamo tu mangka nakande paniki. Nateka’mi Seba anna ma’kampa tu Kalapuan diong garonto’ punti. Nakuami Seba dao mai lolok punti: “E Kalapuan, kappa bangmoko kukandepi dolo te matasakna, dako’pa kumane umbengko pira’.” Iatonna dia’ tonganmo tu Seba nasuami tu Kalapuan umbungka’ sadangna lä untarimai tu punti nabuang dao mai. Apa belanna tarru’ dia’mo tu Seba, mane la nabuang tu punti anna dolomo tiserrek tu tainna anna tobang lu tama sadangna Kalapuan. Tumangi’mi tu Kalapuan anna sasa male rokko salu la umbasei tu sadangna. Pakalan saemi misa’ Bungkang kapua dio sa’dena anna ma’kada: “Matumbaroko ammu tumangi’ra” Mebali tu Kalapuan nakua: “Mangkana’ napakena Seba anna kattai dikka’ tu sadangku.” Sengkemi tu Bungkang urrangi tu susinna to anna ma’kada nakua : “Sa’bara’rnoko dolo sangmane,” Iatu Seba male duka rokko salu La membase. Natiromi Bungkang napela’-pela’ urrekei’ nakadu’dukki tu butona. Tiramban liumi tu Seba anna tilende’ rokko liku mandalan naurunganni malammu’ belanna tang naissan unnorong. Tae’na masai kendekmi tu Seba unaang belanna matemo..

Hikma yang bisa diambil bahwa :

Harus jujur dalam tolorig menolorig dengan tidak mengutamakan kepentingan diri sendiri.

Kejahatan tidak akan berakhir jika selalu bertindak saling membalas dengan kejahatan. 

Terima kasih telah membaca Dongeng Toraja  ini baca jugahttps://pancasilasebagaifalsafahidup.blogspot.com/2018/11/buen-manik-dan-batu-berlobang.html

Dongeng Dari Toraja

 Batik sola Seba

Den sangallo namale tu Seba sumalong-malong. Marassan lumingka sia menani-nani tu Seba, natiromi tu Batik namale umpessitammui anna sipa’kada-kada sola duai. Iatonna marassan sipakada-kada sia sipetawa-tawan, natiromi Seba tu isinna Batik matotong. La moraimi untändai kumua matumbari namalotongra tu isinna Batik, belanna nenne’ natelle tau kumua ía te Seba sangadi isinna manna mabusa. Iamoto nenne’ natangnga’ kumua kenna malotong pissanora tu isinna. Mekutanami tu Seba lako Batik nakua: “E Batik, matumbari anna malotongra iko tu isimmu? Umbara mupakuanni sia apara mupalakoanni nasusito. Belanna morai dukana’ umpamalotongi tu isingku.” Mebalimi tu Batik nakua: “Malena’ undaka’ to umballa tanete la napa’lak, angku kendek langan botto Tanete. Iatonna saemo tu api kubungka’mi tu sadangku kuma’busingngi’ anna mukkun mentarna tu rambu naurunganni ta’pa memmalotong tu isingku.” Nakuami Seba: “Melo ke ta’pa maleki’ totemo undaka’ to mamalla angku pamalotong dukai te isingku.” Malemi sola duai ma’palulako biring pangala’. Pakalan nalambiran tonganmi tu api marassan ma’lana-.lana sia mandappi’mo langngan mentanetena.

Nakuami Batik : “Matira’moko kendek langngañ malangka’na belanna la nalambi’mo api sia rambu. Bungka’i tu sadangmu muma’busingngi anna mentama tu rambu api.” Ma’dondomi tu Seba lagngan mentanetena anna sasa menganga sia ma’busingngi’ tonna mandappi’mo tu api. Malassu tongan nasa’ding sia napapusa’ rambu, apa napengkasarai ma’patanan belanna la morai tongan la malotong isinna. Tae’ natiroi kumua ia tu inan nanii naguririkkimo api.. sia tae’mo tu la nani tassu’ lan mai to’ api. Katampakanna mate sia mampu’ tu Seba lan to’ api ma’kande.

Padamoto......................

Rappen Sebuah Cerita Rakyat dari Toraja

Lai' Rappen

Den sangallo den misa pia baine disanga Rappen la male mendio’ rokko salu. Iatonna Ia malemo nabaami tu pesussu sola pindan bulawanna indo’na. Tonna rampomo rokko Salu napadaomi batu tu pindan bulawan sola pesussu anna alai tu pakeanna namembollo Natisebokkimi uai tinde pindan bulawan namale umbaai uai sola tu pesussu. Tonna miessaile tu Rappen taemo na tiroi tu pindan bulawan solapesussu. Kadakemi nasa’ding anna sasa ma’pakean, tae’mo natarru’ mendio’. Male bangmi unnula’ biring salu. Nalambi’mi tu to mantanan

nakutanaimi :

“Diong-diong to mantanan denka pindan lendu’ sau’ sola pesussu bulawan?”

Mebalimi tu to mantanan nakua: “0, lendu’mo sau’.” Susi bangsia pekutananna Rappen to tonna lambi’omi tu to tumorak, to mangramba dena’ sia to mepare, anna susi nasang tu pebalinna kumua lendu’mo Sau’. Pakalan sitammumi to manglemba pare, nakutanaimi Rappen nakua:

“Inde lako to manglemba denka pindan lendu’ sau’ sola pesussu bulawan?”

Mebali tu to manglemba nakua: “0, Iti’ sia tikadang lan tangnga salu, apa mandalan sia mandirri’ tu uainna,” Nakuami tu Rappen : “Patorropi tu panglemba’mi, tulungpa’ ammi alanna’. Minda-minda tu unnalanna’ napobainemora’

Sisonda-sondami tu to manglemba male tama unnorongi apa tae’ pakulle unnalai, sangadinna den tu sule buta den sule sekong sia kupi’. Misá’ mora tu tae’ namale tama iamo tu disanga Bokko’-Bokko’ Ma’kadami tu Bokko’-Bokko’ nakua: “Umbakade’ na akuopa ussobai unnalai”

Ma’kada nasangmi tu to sule Ian mai nakua: “Inde’ kami ma’misa to maganta’ sule nasang sala’ tampa, apa pissan tu iko Bokko’-bokko’”. Malemi tama unnorong tu Bokko’-Bokko’ anna ta’pa ussintakki tu pindan sola pesussu bulawan nabaai lako randanan. Iatu to dao randanan mangnga nasang untiroi tu apa dadi

Mangkato malemi tu Rappen unnula’ Bokko’-Bokko’ lako banuanna anna sibali. Tae’ namasai ma’tambukmi tu Rappen anna dadian misa’ pia muane. Nakuami tu Bokko’-Bokko’: “Talaomo umbanni tu pesussu sia pindan bulawananna indo’ta”. Apa nakua Rappen “Nakasallepa te pia sae lako manarangna ma’lingka.” Iatonna manarangmo lumingka tu pia, nakuami tu Bokko’-Bokko’: “Talaomo umbanni tu pesussu sola pindan bulawanna indo’ta.” Apa nakua Rappen: “Namanarangpa metteka’.” Sakasalle-Sallena mi te pia sae lako manarangrno rnetteka’. Attu iato malemi sola tallui la umbanni Indo’na tu pindan sia pesüssu bulawanna. Iatonna rampomo lako to’ banuanna indo’na, membunimi tu Rappen sola muanena dio to’ benteng. Nasuami tu anakna male unteka’ kalosi natanan Rappen lo’ pollo’ banuanna indo’na. Nakuami tu indo’na Rappen dao mai pentiroan: “Mindara anak tinde lo’ melolo-lolo bang unteka’ pantananna Rappen.” Nakuami tu pia mebali: “Pantananna aku indo’ku . “ Nakuami tu nene’na : “Da’iko muma’kada susito, umbai buku bukunna Rappen tae’ dukamo.” Mengkalaomi te pia namale umbanni indo’na tu kalosi. Mekutanarni tu indo’na nakua: “Apara nakua tu nene’mu?” Mebalimi tu anakna nakua: “Sengke ia tu nene’ sia nakua da’ mualai tu apanna Rappen, umbai bukunna Rappen tae’ dukamo.” Nasuaomi tu anakna male unteka’ langsa’. Sengkeomi tu ñene’na sia naleba’ batu tu pia. Saemi tu Rappen sola muanena umpellambi’i indo’na anna metamba nakua : “Da’ mileba’i tu pia, ampomimo tu,”. Tarru’ kendekmi langngan banua tu Rappen sola muanena. Maneri natandai indo’na kumua manassa Rappenmo te sule sia sisolamo muanena anna anakna. Siraka’-raka’mi sola a’pa’i lendu’ parannunna penaanna. Randuk attu iato torromi sola lan banua sia lendu’ ia sipakaboro’na.

TERIMA KASIH TELAH MEMBACA !!!
Baca Juga dongen lainnya di https://pancasilasebagaifalsafahidup.blogspot.com/2018/11/buen-manik-dan-batu-berlobang.htmlhttps://pancasilasebagaifalsafahidup.blogspot.com/2018/11/buen-manik-dan-batu-berlobang.html

Cerpen Antara "Kebaikan dan Pengetahuan" di Toraja

Penaa So’ Todi’

Den misa’ pia disang so’ Todi’. Iate so’ Todi’, manarang sia pa’barani, mentu' tau nasembangngibang kada! Sebelum male merantau napepasannimi nene’na, ne’ Sulo kumua: “O ampo, maleko ussalongi te lino. Melada’ meloko anna maluangan batu ba’tangmu, anna masindung painaammu, anna mupemadionganni tu penaammu. Sia melada’ko ussuka’ bongi, umpeagi malillin. Ammu manarang untandai simpona manuk, ammu pande umbille ubanna kayo bulan!”
Iatonna mangkamo rangi so’ Todi’ tu pepasanna nene’na, malemi merantau.
Sangpulo taun lendu’na, anna sulemo te so’ Todi’ umpellambi’ lamunan lolona. Den misa’ karuen nasipa’kada-kadami sule ne’ Sulo tu so’ Todi’. Ma’dokkomi toda soladuai do to’ alang simborrok-borrok kopi mamming:
So’ Todi’: “O Nene’!”
Ne’ Sulo : “Apamora ampo?”
So’ Todi’ : “Iatongku latampe tondok tonnanu, misedananna’ kada kumua lamelada’ melona’, anna maluangan batu ba’tangku anna madiongan penaangku. Sia lamelada’ melona’ angku malute ussuka’ bongi malillin, angku pande umbille ubanna kayo bulan. Totemo, malutemo’ ussuka’malillin, pandemo’ umbille ubanna kayo bulan. Apa lendu’ masussanna tu misanga ma’pamadiongan penaa sia ma’pamaluangan batu ba’tang. Sangpulomo taunna lendu’, tangkulambi’pa tu misanganna!”
Ne’ Sulo : “Ampo, apara tu musanga kamanarangan, umbara susi pangampa’mu tu umbille ubanna kayo bulan, ussuka’ bongi malillin?”
So’ Todi’ : “Eee, susi te nene’, iatu kamanarangan ko bu’dak apa ditandai! Ditandai nasang tu mentu’ apa! Maluteki’ untiro kakadakeanna tau! Pandeki’ tandai pakenana tau!
Ne’ Sulo : “Na matumbami to ke mutandaimi?”
So’ Todi’ : “Iangku manarang to ko kuntandai tu apa, na tae’natandai tu to senga’! Iatongku tandaimi kumua tae’natandai to senga’ tu kutandainna ko tae’pissanmo kutandai tu misang ‘ma’pemadiongan penaa sia ma’pemaluangan batu ba’tang. Saba’ kutandai aku na tae’ ia natandai tau!”
Ne’ Sulo : “Ee, ampokue! Tae’raia musalah! Tonganbangsia ia tu pangampa’mu! Apa tangganna’pa! Tangmalesopa dakarammu!”
So’ Todi’ : “Umbamisanga ne’?”
Ne’ Sulo : “Iamora tamelada’ belanna ditandai kumua tangditandaipa tu apa. Tae’ ia tau manarang! Tae’ dukaia tau baga! Iari naden kumua tau dolo untandai, sia tau undi untandai tu apa! Saba’ atturia tu umpasisaa’i. Iatu to dolo untandai dikua to manarang! Na iatu to undinna nasanga tau baga, apa te’ ia nasusi to ampo! Passanga salingri ia to! Saba’ mentu’ tau, sia mentu’ apa bisa dinai melada’. Yodukamai to maro bisa dinai melada’!
Tae’raia na sala tu ampo ke iatu kamanarangan mupellambi’, belanna dao potok kamanarangan lamulambi’ tu kamadiongan penaa, lamulambi’ tu kamaluangan batu ba’tang!
Kappa sangattu’ so’ Todi’ pematiroi wai kopi lan sangkiri’na. Apa natole mekutana,
So’ Todi’ : “O nene’!”
Ne’ Sulo : “Apara ampo?”
So’ Todi’ : “Na umbalakukua untandai kumua maluanganmo batu ba’tangku?”
Ne’ Sulo : “Iamo namaluangan batu ba’tangmu ke meloi tu penaammu. Penaa melomuri lamupake melada’. Ianna melo lan tu penaammu, malolo malena tu tengka ke’de’mu! Ianna malolo bulo sanglampa tu penaammu lamutiro tu kamarendenganna tu sangsiuluranmu. Ammu pendau’I tu salebu’na langi’, mupakaloloi tu garonto’ ra’ba!
Salama’ allo minggu siulu’ solanasang!

Catatan Gambar Hanya Pemanis

Sumber: Kiriman Hardaely Palloan dalam Grup Ulelean Pare dan Legenda Toraja facebook

Baca Juga Dongeng Sebelum Tidur 
RAPPEN